Myren - arbeidserfaring og ein aktiv, meiningsfylt kvardag

Myren ligg ein kilometer frå Galdesand i Bøverdalen, her driv Guttorm Myren og Randi Slålien med sau og hundar. I tillegg bur det for tida ein lama her.

Guttorm er utdanna møbelsnekker, men har dei siste åra drevet garden med sau, samt arbeid med dressering av gjetarhundar og redningshundar. I tillegg har han jobba som assistent på barneskulen i Bøverdalen. Randi har jobba som snekker og driv i tillegg Systugun Slålien.

I tillegg til sauane på garden er hundane er ein svært viktig del av livet på Myren og både Guttorm og Randi brukar mykje tid på dei. Fleire av hundane er redningshundar og andre er dressert som gjetarhundar.

Tilbodets organisering   

Tilbodet er i utgangspunktet ope på dagtid frå 9.30-14.30, men det kan gjerast individuelle tilpassingar dersom det er behov for det. Brukarane vil bli henta og køyrd heim etter endt dag. Guttorm og Randi er saman ansvarleg for drifta av tilbodet.

Målsetting

Tilbodets viktigaste målsetting er å gje brukarane ein meiningsfylt kvardag. Gjennom livet på garden får brukarane ein moglegheit til å prøve arbeidslivet og avklare eigen arbeidsevne. Dette skjer gjennom varierte arbeidsoppgåver, prega av samvær med dyr og fysisk aktivitet. Føremålet med tilbodet er å vera ein romsleg arbeidsplass, der brukarane skal få prøve seg på oppgåver i trygge rammer og gjennom dette oppleve mestring.

Tilbodet ynskjer å fremme

·        Mestring

·        Glede

·        Trivsel

·        Omsorg for kvarandre

·        Fellesskap

·        Sosial deltaking

Ein dag på Myren kan sjå slik ut:

09.30 Felles start på dagen med kaffi og gjennomgang av oppgåver for dagen.

10.00 Vi tek fatt på arbeidsoppgåver og aktivitetar. Det kan vera oppgåver knytt til stell av sauane, vedlikehaldsarbeid inne og ute eller anna arbeid som fylgjer livet på garden og årstidene. På kalde dagar eller dagar med dårleg vær blir det lagt opp til aktivitetar innandørs som snekring eller ein kan bruke baksthuset til baking eller anna matlaging.

12.30 Felles lunsj, vi både ordnar mat og ryddar av i fellesskap.

13.30 Trening av hundar. I arbeidet med dette er vi både ute på tur i skogen og saman med sauane. 

                                                

14.30 Avsluttar dagen og reiser heim.

Dersom eit tilbod på Myren kan

vera av interesse, ta kontakt med:  

Guttorm Myren

Tlf. 91327765

e-post: gutmyren@bbnet.no

TUVA`S GRØNE OMSORG -Aktivitetar, gode opplevingar og tryggleik i Tuva

Høgt oppe i Bråtågrenda ligg garden Tuva. Her bur Mai Iren og Frank Andrè Tuva-Hagen saman med 3 hestar, 34 sauer,2 kaninar, og 3 hundar.

Vi har jobba med grøn omsorg og Inn på tunet sidan 2012. Vi ynskjer å tilby garden som besøksheim og til avlastning for barn og unge som i periodar kan ha behov for ein ekstra stad å vera utover heimen.

 

Litt om oss

MAI IREN er 27 år, ho er oppvaksen på garden Tuva,  og difor godt kjend i fjella og  i skog og mark rundt garden. Mai Iren er oppteken av att tradisjonar skal haldast i hevd og att det gamle ikkje skal bli gløymd. Mai Iren har teke utanning som agronom og i tillegg er ho barne og ungdoms arbeider. Ho har mykje praksis på skular og barne hagar rundt omkring både i Gausdal og i Skjåk.

FRANK ANDRÈ er 31 år og kjem opprinneleg frå Gausdal, ei bygd med mykje historie og gamle gardar. Frank er glad i gamle historier og er oppteken av att garden skal drivast så tradisjonelt som mogleg. Frank er utdanna landbruksmekaniker og yrkessjåfør. Han er veldig glad i å mekke på små og store maskinar og reiskap.

Om Tuva

Tuva er ein gard under utvikling. Målet om å arbeide med Inn på tunet pregar korleis vi ynskjer garden skal utvikle seg. Her skal det leggast til rett for att små og store skal kunne få trygge og gode opplevingar. Vi er i kontakt med matmerk som har ansvar for kvalitetssikringa av Inn på tunet gardar. Vi håpar at vi innan kort tid skal få gjennomført revisjon og kunne kalle oss ein ekte Inn på tunet – gard.

Aktivitetane vi legg opp til tek utgongspunkt i garden og livet her. Dei ulike dyra gjer at vi har ei allsidig gardsdrift og brukar mykje tid på stell og kos med dyr. Vi veit at dyr kan vera gode vener, dei kan gje kos og trøyst, men og gje meistringsopplevingar og sjølvtillit for våre brukarar. I tillegg til dyra legg vi opp til aktivitetar som fylgjer årstidene. Vi bruker mykje tid ute, sumar som vinter. Vi går på ski og renner på akebrett, eller vi går på matpakketur i skogen rundt oss. Vi har og byrja med villmarksknappen som består av tre grader: bronsetur, sylvtur, og gulltur. Her får born prøve seg ute i naturen med bålbrenning, telttur, overnatte ute i minusgrader, fiske og mykje anna moro. Det er viktig for oss att alle aktivitetar skal skje i ei trygg og sosial ramme, med tett vaksenkontakt.

Døme på aktivitetar vi driv mykje med i Tuva:

-          Stell av dyr, sauer, kaninar, hestar og hundar.

-          Køyre og ri på hest

-          Matlaging og bakst

-          Skogsturar

-          Teltturar

-          Fjellturar

-          Ta villmarksknappane

-          Dyrke eigne grønsakar

-          Går på ski og køyrer akebrett.

 TILBODETS ORGANISERING:

Tuva`s grønne omsorg (TGO) er åpent mandag til fredag.

Vi har åpent to helger i måneden, her ønsker vi en skriftlig tidsavtale fra bruker.

Siste dag før jul er 22.desember.

Første dag etter jul er mandag 3.januar

Siste dag før sommeren er 1juni.
Vi har ferie i 4 uker om sommeren.

Første dag etter sommerferien er 1juli. 

Dersom foresatte ynskjer å si opp plassen, skal dette skje skriftleg med 2 mnd varsel, gjeldande frå den 1. i kvar månad.  

Vi ynskjer å få beskjed 24 timer før fravær, om det ikkje er akutte hendelser, det vil si for eksempel sjukdom, skade, m.m.

Ta gjerne kontakt for meir informasjon
TLF: 99555421/61213727.
E-mail: mi-tuva@hotmail.com.

Vi har og ei eiga heimeside, gå inn, sjå bilder og les meir på: http://www.tuvahagen.com/65103979

Venleg helsing

Mai Iren og Frank Andre Tuva Hagen (TGO)